Nagbabala ang Philippine National Police o PNP laban sa mga pulis na nagpapalamig at patulog-tulog lang sa loob ng mobile patrol cars.
Ayon kay PNP Directorate for Operations Police Chief Supt. Camilo Cascolan na kakasuhan nila ang mga pulis na mahuhuling natutulog lang sa loob ng mobile patrol cars habang naka-duty.
Sinabi ni Supt. Cascolan na dapat maging aktibo sa pagbabantay ang mga pulis ngayong mas paiigtingin ang mobile patrolling at police visibility.
Giit pa niya, na hindi dapat umasa lamang ang mga pulis sa checkpoints upang masawata ang kriminalidad kung di sa pagiging masigasig nila sa pagpapatrolya.
Kasabay nito, hinikayat din ng opisyal ang publiko na agad isumbong sa kanila kapag may nakitang mga pulis na nakatambay lang sa loob ng mobile cars upang agad nilang maaksyunan.
0 comments: